|
Ohiko arazoak
Erosleari zaila gerta dakioke nahi duen produktua aurkitzea edo
hornitzailea aukeratzea, web gune eta lineako denda asko baitago.
Bilaketa arretatsuak, produktuen markak edo izenak erabiliz egiten
denak, gune askotan kontsultatzen denbora asko ematea saihesteko
aukera ematen du. Hasteko leku egokia ezagutzen duzun denda baten
lineako zerbitzua erabiltzea izan liteke. Honek badu abantaila gehigarria:
beharrezkoa balitz, zuk zeuk erreklamazioa egin edo salgaia itzul
dezakezu. Entzun arretaz gainerakoek kalitatezko web guneei eta
haien esperientziei buruz kontatzen dizkizuten aholkuak eta gomendioak.
Lineako denda askok ez du benetako dendarik, baina egiaztatu behar
duzu harremanetarako informazio egokia dutela, hain zuzen, posta-helbidea
eta telefono-zenbakia barne hartzen dituena, zerbitzuari buruzko
zalantza edo kontsultarik izanez gero, haiekin harremanetan jar
zaitezen.
Zure ISP (Interneteko zerbitzu-hornitzailea) zenbait dendarekin
elkartuta egon daiteke zure web gunean bere operazioei jarduera
nagusia emateko, baina honek ez du esan nahi denda horiek salerosketarik
onenak eskainiko dizkizutenik. Denden direktorioen guneek, esaterako
www.british-shopping.com
Erresuma Batuan egoitza duten lineako denak aurkitzen lagun diezazukete.
Era berean, eskaintzan aurkitzen lagun diezazuketen zerbitzuak daude,
esaterako, www.checkaprice.com
web gunea bezalako guneek lineako denden prezioak alderatzen dituzte.
Linean eskaerak eta ordainketak egiten direnean, segurtasuna ezinbesteko
gertatzen zaio kontsumitzaileari, izan ere, jende asko segurtasunaz
ez fidatzeak lineako erosketaren hazkundea geldiarazi du. Berrietan
beti agertzen dira hackerrak infiltratu diren merkataritza-webei
buruzko istorioak, edo linean lapurtu diren kreditu-txartelen zenbakiei
buruzkoak. Hala eta guztiz ere, ez dirudi iruzurgileek zure kreditu-txartelaren
datuak Interneten, telefonoz, postaz edo jatetxe baten baino errazago
lortuko dituztenik. Arretaz ibiltzen bazara, lineako erosketak segurtasun-maila
handi batez egin ditzakezu.
- Zure izena, helbide edo kreditu-txartelari buruzko datuak eman
baino lehen, ziurta ezazu gune "seguruan" zaudela. Egiazta
ezazu pantailaren beheko aldean giltzarrapo edo giltzaren ikurra
dagoen. Gune seguru batean zure informazioa kodifikatzen da (enkriptatzea)
Internetetik bidali baino lehen, eta datu-base seguru batean gordetzen
da. Enpresa horrek zure informazioa beste enpresa batzuei eman
nahi badie, ezetz esateko eskubidea eskaini behar dizu. Egiazta
ezazu gunean egiaztapen-laukia dagoen eta erabaki zeure informazioa
hedatzea nahi duzun.
- Ez ezazu bidali posta elektroniko batean zure kreditu-txartelaren
informaziorik, hau ez baita informazioa igortzeko bide segurua
eta gainerako pertsonek aise kopia dezakete.
- Egiazta itzazu zure kreditu-txartelaren datuak, sarrera susmagarriak
dauden. Itzalik ikusten baduzu, zalantzan jarri salerosketa eta
kontuan izan kreditu-txartel hori baliogabetzeko aukera.
- Gorde ezazu zure salerosketa guztien erregistroa. Inprima itzazu
erabili duzun web orrialdearen xehetasunak, idatz itzazu fakturazioaren
erregistroak eta helbidea. Gorde hornitzaileari bidali eta berarengandik
jaso dituzun posta elektronikoen kopiak.
- Ondo pentsatu erosi baino lehen. Lineako iragarkia edo propagandako
posta elektronikoa egia izateko onegi iruditzen bazaizu, litekeena
da egia ez izatea.
- Kontuan izan ezkutatuko apartekoak, zure lineako erosketaren
prezioa handi dezaketenak. Posta eta paketatzeko gastuek, BEZ
zergak eta bezeroei egindako atzerriko salgaietarako zordunketek
azken prezioa asko gehi dezakete.
- Lineako erosketa batekin arazoak izanez gero, jar zaitez harremanetan
zure herriko merkataritza-arauen bulegoarekin, aholka zaitzaten.
Iruzurrik gertatuz gero, poliziari deitu.
|
