|
Ohiko arazoak
Gazteek erraz egiten dituzte lagunak eta ez dute arazorik izaten
linean ezagutzen duten pertsonei posta elektronikoaren helbidea,
etxeko helbidea edo telefono-zenbakiak bezalako datu pertsonalak
emateko, batez ere, mutilek edo neskek Internet "segurutzat"
jotzen duten leku batetik -esaterako, etxea edo eskola- erabiltzen
badute. Ikastetxe gehienak haurren berriketa-zerbitzuetarako sarbidea
geldiarazten ahalegintzen dira ikastetxearen Internet konexioaren
bidez, baina irtenbide hau ez da hutsezina, haurrak lagun baten
etxera edo beste leku batera joan baitaitezke.
Berriketen edukia ere arazo bat izan daiteke. Haurrek hizkuntza
eta ideia desegokiak berengana dezakete, esaterako, sexu esplizituari
buruzko solasaldiak. Litekeena da beren argazkiak, baita lizunak
ere, bidaltzera bultzatzea, eta haiei irudi likitsak ere bidaltzea.
Gainera, asmo txarreko pertsonekin izan ditzakete harremanak; kasu
batzuetan gazte batzuk benetako bizitzan beraiekin harreman bat
izan nahi zuten beste nerabe batzuekin edo nagusiekin jarri dira
harremanetan, eta harreman hori bortxaketa bezalako egintza kriminala
izan liteke.
Nagusi arduradunentzako aholkurik onena gazteekin lineako berriketetan
izandako esperientziei buruz maiz hitz egitea da, egiten dutena
azalaraziz eta sor daitezkeen arazoei buruz mintzatuz. Gurasoek
berriketa-zerbitzu seguruak edo berriketa-gela moderatuak gomenda
ditzakete, baina, nolanahi ere, gazteek oso seguruak ez diren hautabideak
aukeratuko dituzte. Gurasoak, haurrak berriketa-lekuetara konekta
ez daitezen, blokeo edo iragazki-softwarea erabiltzen saia daitezke,
baina zaila izaten da lortzea.
Zehazki, gazteek "arrotzen arriskua", datu pertsonalak
eta pribatutasuna ulertu behar dituzte, eta hobe dela zuhurra izatea.
Posta elektronikoaren helbidea, telefono-zenbakia edo etxeko helbidea
bezalako norberaren informazioa inori jakinarazi baino lehen, gogoeta
egin behar dute. Linean ezagutu dituzten pertsonekin benetako bizitzan
elkartzekoak badira, nagusi bati esan behar diote beti, konfiantzazko
batekin joan behar dira eta leku publiko batean elkartu behar dira.
Gazteek esperientzia txarrik izanez gero, horren berri eman beharko
dute, honi buruzko ikerketari ekin dakion. Berriketa-gela batean
gertatuz gero, lehenengo web lekuko operadorearekin jarri harremanetan.
Benetako bizitzako arazo bilakatuz gero, poliziarekin jarri harremanetan.
|
