Algeng
vandamál
Sum þessara þjónustusvæða leyfa
skipti á allskonar rafrænu efni s.s. texta, hljóðskrám,
myndum, kvikmyndum og forritum. Í mörgum tilfellum stangast
það
á við höfundarétt að skiptast á
þessum skrám.
Töluvert er um dreifingu og skipti á óæskilegu
efni s.s. klámi og ofbeldi. Jafnvel sakleysisleg leit að
tónlist getur leitt til þess að upp komi listi
yfir efni sem ekki er æskilegt fyrir ungt fólk. Það
ber að hafa í huga að jafnvel þó að
nafn skráa sem birtast, virðist sakleysisleg, er alls
ekki víst að innihaldið sé það einnig.
Tölvuvírusum er gjarnan dreift með þessum
hætti. Því ættu allir að vera með
vírusvarnir á tölvunum sínum og skanna
skjöl sem þeir sækja.
Margir skólar leyfa ekki skipti á skrám á
þennan máta. Þeir sem gera það ættu
að taka til athugunar að setja upp hindranir.
Oft vita foreldrar og forráðamenn ekki að börn
þeirra nota svona þjónustu. Þeir ættu
því að athuga hvort sett hefur verið upp á
þeirra tölvu eitthvert forrit sem notað er til skráaflutninga.
Skoðið því hvort þið sjáið
nöfn s.s. BearShare, Gnutella og KaZaA, Morpheus eða Aimster.
Sé eitthvert þessara forrita á vélinni
þá er um að gera að ræða það
við börnin og spyrja hvort þau hafi notað þessi
forrit, hvernig og til hvers.
Hugbúnaður sem á að hindra óæskilegt
efni nær oft ekki að hindra flutning á skrám.
Hafið samband við netþjónustuna ykkar og spyrjið
hvort sá hugbúnaður sem þið hafið
valið nái að hindra skráarflutninga og þá
hvernig.
Það þarf líka að hafa í huga
að með því að leyfa opinn aðgang að
eigin tölvu eru notendur að taka áhættu. Óheiðarlegir
aðilar geta komist í önnur gögn á tölvunni
og sótt þau eða eytt þeim. Þegar notendur
tengjast inn á svæði til skráarflutnings,
heimila þeir aðgang að ákveðnum hluta harða
disksins í eigin tölvu og þar sem sum stýrikerfi
og forritshlutar hafa veikleika er ekki útilokað að
hægt sé að komast framhjá innbyggðum
vörnum og yfirtaka vélina.
|
